السلام عليكم وصفتي اليوم هي السفة المدفونة،وهي
من بين ارقى والذ الاكلات المغربية التي لا يمكن الاستغناء عنها في معظم المناسبات ،وتصنف من بين الطبخات التي تتميز بمزج الحلو والمالح،و السفة المدفونة عبارة عن شعرية رقيقة جدا خاصة بالسفة مطهوة على البخار ومرق الدجاج الحلو حيث يتم تزيينهابالقرفة والسكر الصقيل واللوز.اليكم الطريقة:
نصلقو شوية لوز ونفسخوه ونقليوه نهرمشوه ولكن نخليو منو شي حبات صاينين للزواق.
كنديرو الدجاج في الكوكوت وعليه الزيت( شوية رومية وشوية بلدية) بصلة مشلظة +ملح +بزار +خرقوم +سكينجبير +شوية سمن +1 توم محكوك +الربيع ليبغيتوه مربوط او مفروم نترك الكل يتشحر شوية من بعد نروي غير القياس لي يطيب الدجاج وباش تكون المريقة خاترة وواقفة من بعد نسدو على الدجاج يطيب.
منين يطيب الدجاج نزولوه من الكوكوت ونخليوه يتسقطر تم نفرتتوه بحال الى باغيين نديرو بسطيلة
والمريقة انخليوها تختار ونزيدوا ملعقة العسل.
نمرو للسفة الشعرية ندهنوها بالزيت ونديروها تفور مزيان،من بعد ما تفورات تقريبا شي نصف ساعة نخويو الكسكاس في القصرية ونسكبو عليها الماء طايب ونحركو،ومنين تتشرب شوية الما الطايب وتكون دفات شوية نحيدو ليها الفائض من الماء ودلك بتصفيتها فشي شبكة او في الكسكاس نفسه،تم نرجعوها تفور الفورة التانية.
ونفس العملية منين تفور نضعها في القصرية ونسكب عليها الماء الطايب غير القياس باش تا الشعرية تشرب
والى بقا شي فائض نصفيوها وتكون دافيةمنخليوهاش تتبرد ونعملو لها شوية ملح وشي 2 معالق كبار عامرين زبدة و كدلك نرشو عليها واحد معلقة كبيرة زهر وسنيدة القياس لي غيحليها تم نحلوها بايدينا.
تم نرجعوها تفور مزيان للمرة التالتة والاخيرة
منين نبغيو نقدموها كنقلبو الشعرية في القصرية ونعاودو نديرو ليها شوية زبدة في وسط الشعرية باش دوب مع السخونية ونغطيوها بشي منديل حياتي شي 5 دقائق تم نحلوها بايدينا بديك الزبدة لي كنا درنا فيها.
من بعد ناخدو طبسيل نضع فيه فرشة ديال السفة تم الدجاج المفرتت ومرقة من الفوق ونرشو باللوزالمهرمش
ونغطيو الكل بالشعرية ونزوقوها بالسكر والقرفة واللوز المهرمش وكدلك اللوز الصحيح والبرقوق معسل وفند في زنجلان.
L7daka tbarkallah 3lik 😍
ردحذف